#廣告人誌：專訪Docomo 3秒Cooking-爆速餃子廣告歌演唱者文曄星！
憑一首類似警察故事嘅廣告歌，Docomo最新廣告（http://goo.gl/90PpCp）Hit爆全城，更引發關於香港價值嘅討論（網址：http://on.fb.me/1DTE395）。我地特別搵嚟廣告歌填詞及原唱者文曄星接受獨家專訪，親爆廣告製作秘密！
關於文曄星⋯
首先自我介紹一下，我叫文曄星（曄粵音讀葉），目前喺日本發展聲優事業。2014年出演日本富士電視台Noitamina嘅動畫《乒乓》（原作 松本大洋 導演 湯浅政明） 嘅華人留學生孔文革，並於第6話演唱劇中聖誕曲《ひとりぼっちのクリスマスイブ/Midnight Flight》，係日本動畫界、聲優界首個獲得主要角色同首個獲得有名字角色嘅外國人。另外，又以演員身份出演2014年真人版電影《魔女宅急便》中嘅河馬管理員Morio/モリオ。今年首次以填詞人同歌手身份製作演唱日本電信公司Docomo廣告《3秒Cooking-爆速餃子》嘅廣告歌。
關於爆速餃子廣告歌⋯
當時有音樂經紀搵我，話要搵個識得唱廣東歌兼作詞嘅人，於是馬上答應去做。當時首歌仲未寫好，對方就send左首DEMO過來話要按這個風格唱，首DEMO就是成龍《警察故事》嘅主題曲。所以可以好肯定，廣告公司／客戶係刻意要製作呢種效果嘅。如果冇聽主旋律，只聽伴奏，其實係可以將警察故事嘅歌詞完全代入首歌入面。
關於填詞嘅內容⋯
製作公司根據廣告內容畀左大意，再由我自己發揮。當時對方畀嘅原文如下：
ニラとニンニクはお好みで
いざ進め、皮めがけ
激しい炎を突き抜けて
ナイスキャッチ！
最後我寫成以下歌詞：
加啲韮菜更好味 伴著大蒜香
衝，再快衝，衝進，餃子靚皮裡面
火柱高升千呎，熊熊烈焰裡穿越
接得好
（網上咁多版本，呢個一定冇錯！）
將來計劃
喺香港發展音樂事業一直係我嘅夢想，我好希望呢首歌能夠正式進入香港市場。我亦希望有更多我填詞同演唱嘅歌能夠面世，畀大家帶來多一點歡笑。所以如果想合作的話，不妨主動聯繫我：squallsakai@yahoo.co.jp
編按：附片係文曄星去年發佈嘅短片，真係盡展語言才華！原片網址：http://on.fb.me/1EMzXRS
延伸閱讀 -- ：
#廣告觀點：香港價值 http://on.fb.me/1DTE395
日本聲優界的中國青年 http://bit.ly/1GiQcba
不想錯過廣告狂人文章，可Click我們這個專頁的like掣，再點選「接收通知／Get Notifications」。
follow 廣告狂人instagram:
http://instagram.com/madmanmonogram
Search